Futhark

Ob dy Browser d Rune uff derre Site richtig darstellt, chasch do lüege.
	ᚠᚢᚦᚨᚱᚲ
Dä Tekscht (rächts) soll ungfähr eso usseh wie uff em Bild (links). Wenn säll nit eso isch, no müesch e Zeichesatz neh, wo de Unicode abdeckt.

Futhark isch e Name für e runischs Alfabeet. D Rune sin e germanischs Alphabet, wo zur Schrybig vo germanische Dialäggt und em Latynische benutzt worden isch. Dr Urschprung oder dr Urschprüng vo de Rune sin umschtritte; zimmlig verbraitet isch aber d Teory, d Rune sige us emene norditalische Alfabeet entschtande. Vili Forscher näme au aa, ainigi Rune syge us latynische Buechschtabe entschtande. Anderi Teorye:

D Rune syge us em griechische Alfabeet entschtande. S griechischy Alfabeet isch vo Kelte im südliche Gallie benutzt worde.
D Rune syge alli us em latynische Alfabeet entleent worde.
D Rune syge us em e norditalische Alfabeet entwicklet worde.
D Rune spyse sich us merere Alfabeet, s isch aber nid mööglig, das im ainzelne z rekonschtruiere.

Di elteste sichere Rune stond uf eme Kamm us Vimose z Dänemark und stammed us em 2. Johrhundert n. Chr.